Sugarcane Harvester : कृषि विभागाच्या महाडीबीटी पोर्टल द्वारे विविध कृषि यंत्र आणि औजारे यांना अनुदान दिले जाते आणि यामध्ये विविध कृषि यंत्र औजारे जसे की पेरणी यंत्र, रोटाव्हेटर, ट्रॅक्टर यांचा समावेश आहे. परंतु, आता महाडीबीटी पोर्टल द्वारे ऊसतोडणी यंत्रास देखील अनुदान देण्यात येणार आहे आणि यासाठी शासनाने मान्यता दिली आहे.
सहकार, पणन व वस्त्रोद्योग विभाग, शासन निर्णय क्र. ससाका-०७२३/प्र.क्र.२१६/२५-स, दि.२०/०३/२०२३ अन्वये राष्ट्रीय कृषी विकास योजनेअंतर्गत ऊस तोड यंत्र (Sugarcane Harvester) खरेदीसाठी २०२२-२०२३ व २०२३-२४ चा शासन निर्णयात नमूद अटी व शर्ती आणि निकषांवर मान्यता देण्यात आली आहे. सदरची योजना बँकेमार्फत राबविणे अपेक्षित असल्याने आणि विहित मुदतीत कार्यवाही पूर्ण होऊ शकली नाही. या कारणास्तव शासन निर्णय दि.०९/०५/२०२४ अन्वये सदर योजनेस दि.२०/०३/२०२३ च्या शासन निर्णयातील अटी शर्ती आणि निकषांसह मुदतवाढ देण्यात आली आहे. संदर्भ क्रमांक ०३ येथील शासन निर्णय दि.०६/०८/२०२४ अन्वये सदर योजनेस तांत्रिक कारणास्तव विहित मुदतीत कर्ज प्रकरणे मंजूर करणे तसेच विहित मुदतीत यंत्र खरेदीची कार्यवाही पूर्ण करणे शक्य झाले नसल्याने दि.१५/१०/२०२४ पर्यत पूर्वसंमती दिलेल्या अर्जदारांना ऊस तोडणी यंत्र खरेदी करण्याच्या कालावधीस विशेष बाब म्हणून १५ फेब्रुवारी, २०२५ पर्यत मुदतवाढ देण्यात आली आहे. तथापि अद्यापही पुरेसा निधी उपलब्धते अभावी व अन्य तांत्रिक कारणांमुळे सदरहू प्रकल्प पूर्ण झालेला नाही. Sugarcane Harvester
मा. प्रधानमंत्री राष्ट्रीय कृषी विकास योजना राज्यस्तरीय मंजूरी समितीच्या (SLSC) दि.१५/०५/२०२५ रोजीच्या बैठकीत ऊस तोडणी यंत्र अनुदान प्रकल्पासाठी (“Mechanized Harvesting in Sugarcane” २०२२-२०२३) रू.२३२.४३ कोटी तरतूद करून प्रकल्पास सन २०२५-२०२६ करीता मुदतवाढ दिलेली आहे. त्यानुसार प्रस्तुत प्रकरणी शासन निर्णय क्र. ससाका-०७२३/प्र.क्र.२१६/२५-स,दि.२०/०३/२०२३ मधील विशिष्ट पार्श्वभूमि अटी, शर्ती व निकषांवर दि.२७/०१/२०२५ च्या शासन निर्णयान्वये दि.१५/०२/२०२५ रोजी पर्यत दिलेली मुदतवाढ आता ती सन-२०२५-२६ च्या आर्थिक वर्षात वाढविण्याचे प्रस्तावित आहे.
शासन निर्णय : Sugarcane Harvester
मा. प्रधानमंत्री राष्ट्रीय कृषी विकास योजना राज्यस्तरीय मंजूरी समितीचे दि.२६/०५/२०२५ रोजीचे इतिवृत्तानुसार ऊस तोडणी यंत्र अनुदान प्रकल्पासाठी (“Mechanized Harvesting in Sugarcane”२०२२-२३) रू.२३२.४३ कोटी तरतूद करून प्रकल्पास सन २०२५-२०२६ करीता मुदतवाढ दिलेली आहे. त्यास अनुसरून साखर आयुक्त, पुणे यांनी प्रस्तावित केल्यानुसार राष्ट्रीय कृषी विकास योजनेअंतर्गत आर्थिक वर्ष २०२५-२०२६ मध्ये ऊस तोडणी यंत्रांना अनुदान देणेबाबतच्या रू. २३२.४३ कोटी इतक्या रकमेच्या प्रकल्पास मुदतवाढ व प्रशासकीय मान्यता देण्यात येत आहे. मात्र केंद्र शासनाच्या दि.२१/०४/२०२५ च्या पत्रातील निर्देशानुसार First Come, First Serve (FCFS) पद्धतीने लाभार्थी निवड करणे बाबत कृषि विभागाने MAHA-DBT बाबत धोरण स्वीकारलेले आहे, त्याप्रमाणे ऊस तोडणी यंत्र Sugarcane Harvester अनुदान प्रकल्पासाठी देखील सदर धोरण अंगिकारण्यात यावे.
नमूद करण्यात येते की, सदर प्रकल्पाचा मूळ मंजूर कालावधी सन २०२२-२०२३ व सन २०२३-२०२४ असा दोन वर्षांचा होता. त्यास सन २०२४-२०२५ साठी एका वर्षाकरीता आणि तदनंतर पुन्हा सन २०२५-२०२६ या एका वर्षाकरीता मुदतवाढ देण्यात आली आहे. म्हणजेच मूळ दोन वर्षाचा प्रकल्प पूर्ण करावयास एकूण चार वर्षे कालावधी मंजूर करण्यात आला आहे. त्यामुळे यापुढे सदर प्रकल्पास कोणतीही मुदतवाढ देता येणार नाही. सदर प्रकल्प कोणत्याही परिस्थितीत विद्यमान आर्थिक वर्षात पूर्ण करण्याची दक्षता साखर आयुक्त, पुणे यांनी घ्यावी.
लवकरच ऑनलाइन अर्ज सुरू होणार?
राष्ट्रीय कृषी विकास योजनेअंतर्गत आर्थिक वर्ष २०२५-२०२६ मध्ये ऊस तोडणी यंत्रांना (Sugarcane Harvester) अनुदान देणेबाबतच्या रू. २३२.४३ कोटी इतक्या रकमेच्या प्रकल्पास मुदतवाढ व प्रशासकीय मान्यता देण्यात आली आहे. मात्र केंद्र शासनाच्या दि.२१/०४/२०२५ च्या पत्रातील निर्देशानुसार First Come, First Serve (FCFS) पद्धतीने लाभार्थी निवड करणे बाबत कृषि विभागाने MAHA-DBT बाबत धोरण स्वीकारलेले आहे, त्याप्रमाणे ऊस तोडणी यंत्र अनुदान प्रकल्पासाठी देखील सदर धोरण अंगिकारण्यात यावे असे सांगण्यात आले आहे. त्यानुसार आता पुढील काही दिवसांत महाडीबीटी पोर्टल वर या घटका साठी ऑनलाइन अर्ज स्वीकारणे सुरू होण्याची शक्यता आहे.