Sugarcane Harvester MahaDBT Farmer : शेतकरी बांधवानो आता महाराष्ट्र शासन राज्यातील सर्व इच्छुक शेतकर्‍यांना उस तोडणी यंत्र खरेदी करण्यास अनुदान देत आहे. तर कृषि विभाग महाराष्ट्र शासन यांच्यातर्फे शेतकर्‍यांना उस तोडणी यंत्रास किती अनुदान देण्यात येणार आणि यासाठी कोठे आणि कसा अर्ज करायचा हे आपण पुढील प्रमाणे जाणून घेऊयात.
कृषि विभागाच्या महाडीबीटी पोर्टल द्वारे विविध कृषि यंत्र आणि औजारे यांना अनुदान दिले जाते आणि यामध्ये विविध कृषि यंत्र औजारे जसे की पेरणी यंत्र, रोटाव्हेटर, ट्रॅक्टर यांचा समावेश आहे. परंतु, आता महाडीबीटी पोर्टल द्वारे सन 2025-26 करिता ऊसतोडणी यंत्रास देखील अनुदान देण्यात येणार आहे आणि यासाठी शासनाने मान्यता दिली आहे.
मा. प्रधानमंत्री राष्ट्रीय कृषी विकास योजना राज्यस्तरीय मंजूरी समितीचे दि.२६/०५/२०२५ रोजीचे इतिवृत्तानुसार ऊस तोडणी यंत्र अनुदान प्रकल्पासाठी (“Mechanized Harvesting in Sugarcane”२०२२-२३) रू.२३२.४३ कोटी तरतूद करून प्रकल्पास सन २०२५-२०२६ करीता मुदतवाढ दिलेली आहे. त्यास अनुसरून साखर आयुक्त, पुणे यांनी प्रस्तावित केल्यानुसार राष्ट्रीय कृषी विकास योजनेअंतर्गत आर्थिक वर्ष २०२५-२०२६ मध्ये ऊस तोडणी यंत्रांना अनुदान देणेबाबतच्या रू. २३२.४३ कोटी इतक्या रकमेच्या प्रकल्पास मुदतवाढ व प्रशासकीय मान्यता देण्यात आली आहे. मात्र केंद्र शासनाच्या दि.२१/०४/२०२५ च्या पत्रातील निर्देशानुसार First Come, First Serve (FCFS) पद्धतीने लाभार्थी निवड करणे बाबत कृषि विभागाने MAHA-DBT बाबत धोरण स्वीकारलेले आहे, त्याप्रमाणे ऊस तोडणी यंत्र Sugarcane Harvester अनुदान प्रकल्पासाठी देखील सदर धोरण अंगिकारण्यात यावे.
तर, आता First Come, First Serve (FCFS) प्रथम येणार्‍यास प्रथम प्राधान्य पद्धतीने लाभार्थी निवड करणे करिता ऑनलाइन अर्ज स्वीकारणे सुरू झालेले आहे तरी सर्व इच्छुक शेतकरी बांधवांनी कृषि विभागाच्या MAHA-DBT पोर्टल वर ऑनलाइन अर्ज करून घ्यावेत.
ऊस तोडणी यंत्र (Sugarcane Harvester) अनुदान
अनुदानाची रक्कम : किमतीच्या 40% किंवा जास्तीत जास्त 35 लाख रुपये असेल
अमलबजावणी विभाग : कृषि विभाग/सहकार विभाग
कृषि विभाग योजना : राष्ट्रीय कृषी विकास योजना RKVY
अर्ज करण्याची पद्धत : ऑनलाइन Online Application
अर्ज करण्यासाठी संकेतस्थळ/वेबसाइट : महाडीबीटी शेतकरी योजना पोर्टल
ऊस तोडणी यंत्र ऑनलाइन अर्ज स्टेप्स
स्टेप 1: महाडीबीटी शेतकरी योजना पोर्टलवर जावे
स्टेप 2: महाडीबीटी पोर्टलवर शेतकरी लॉगिन करावे (mahadbt farmer login)
स्टेप 3: कृषि यांत्रिकीकरण ही बाब निवडावी
स्टेप 4: कृषि यंत्र औजारांच्या खरेदी साठी अर्थ सहाय्य निवडावे
स्टेप 5 : तपशील मध्ये ऊस तोडणी यंत्र निवडावे, त्यानंतर इतर तपशील पोर्टल द्वारे घेतल्या जाईल.
स्टेप 6: अर्ज जतन करावा
स्टेप 7: मेनू वर जा हा पर्याय निवडून मुख्य पृष्ठ वरती यावे
स्टेप 8: अर्ज सादर करा हा पर्याय निवडावा
स्टेप 9: प्राधान्यक्रम देऊन अर्ज सादर करा या बटणावर क्लिक करावे आणि शुल्क भरून अर्ज सादर करावा
ऑनलाइन अर्ज करण्यासाठी : महाडीबीटी पोर्टल भेट द्या
वरील प्रमाणे आपण महाडीबीटी शेतकरी योजना पोर्टल वर MahaDBT Farmer ऑनलाइन पद्धतीने अर्ज सादर करू शकता. Sugarcane Harvester MahaDBT Farmer अर्ज सादर केल्यानंतर आपला अर्ज हा ऑनलाइन सोडत साठि पाठविल्या जाईल आणि नंतर सोडत मध्ये निवड झाल्यानंतर आपल्याला कळविले जाईल.